多得學長, 薯女上兩個星期過得十分充實, 前兩日填timesheet先知, 原來每日平均超過10個鐘, 其中一日係12個鐘. 雖然對於一般PR agency黎講唔算咩一回事, 但對薯女黎講, 已經達到爆廠程度.
其實學長個人冇乜野, 不過人鬼殊途, 薯女同學長始終有d隔膜. 加上學長主理既係new business, 而薯女就個個accounts都要跟, 所以薯女通常每日都會俾一大堆routine admin, ad-hoc tasks淹沒. 另一位E仔就似乎比較專注new business, 按道理, 學長應該比較用到佢既機會會大d, 不過學長似乎有意發掘薯女潛能, tight deadline + impossible missions, 成為薯女上兩個禮拜既生活.
有一次, 薯女被上頭motivate到昏頭轉向, 好proactive咁做左一件事, 得到唔少額外收穫, 原來仲附送一項任務. 明明個account唔到薯女跟, 點知, 學長以為薯女好得閒 (當日學長已經委派左幾件大野俾薯女跟), 又叫薯女做. 薯女一頭霧水, 趕頭趕命趕完d野之後, 交返俾佢, 佢就無端端話: "good initiative!" 薯女心諗, 真係愧不敢當! 真係唔係薯女initiate!
相信未來將會繼續有機會合作... 薯女自認辛苦命, 唯有講... thanks for the new business!
Subscribe to:
Post Comments (Atom)
7 comments:
很久不見了,一直也有在看,妳的工作近來似乎還不錯嘛.繼續努力啊,有起伏,也就表示有新的學習體會.
雖然有時眼前見既暫時未必係咁,但我卻是信奉"有努力,必有回報"呢個規條.
好多謝你一直都有睇薯女個blog呀!
係呀, 薯女都好認同你既講法, 其實努力得益既都係自己, 因為你一定會係過程中學到野, 所以薯女都覺得太將有冇外在既回報呢樣野當係動力, 唔係一件好事. 畢竟experience係一個最長久, 最獨特既"回報". 唔知你覺得岩唔岩呢?
認同,尤其作為一個職場新人,除非妳屬於少數尖子,如果唔係得到豐富外在回報既打工仔又有幾多?
對於一個職場初哥,更重要既係體會同工作上得到既肯定~物質回報就算有都唔應該係間公司唯一留著員工既方法...
能找到一份令自己值得留下的工作,實屬不易呢!
i'll be back in aug, let's meet with mom and step-dad, haha...
take care and be positive, OK? mwah!
j.w., 好認同, 亦好高興你認同薯女既睇法. "能找到一份令自己值得留下的工作,實屬不易呢!"睇到呢一句, 薯女有種莫名既感動, 係, 真係好難搵到, 要搵到屬於自己既地方, 好難. 唔係你既skills唔match公司要既人才, 就係公司個"環境"/"氣候"唔適合你. 就算適合, 仲有其他種種原因, "天時, 地利, 人和" 缺一不可.
薯女好希望, 依家份工, 就係薯女最想要, 亦最適合既一份工. 希望你都係喇~
assenav, i look forward to seeing you, and it would be great to touch base with u all! i may be seeing mom next week, and shall get back to you any latest updates :P
keep in touch, and take care!
當係一個學習機會啦 !
一定有 gain 既 !
股壇散仔, 絕對係, 以前讀書, 以為自己學校好鬼勁, 自己有幾巴閉, 但出黎做野, 見多好多種人, 發覺其實每一個人都有值得學習既地方.
Post a Comment