人有書展, 薯女又書展

忙左一個禮拜, 薯女去到今日個productivity已經去到30%, 用左3個鐘去做原本只應該用1.5鐘去做既report. 難得聽日朝早冇乜特別事, 想總結下上個禮拜既一個event.

呢個禮拜全城最熱門既話題, 除左會展個book fair之外, 就係harry potter出大結局. 對於薯女黎講, 呢個禮拜, "書"都係一個hot topic. 上回講到個regional既project, 就係請d clients黎聽大老細個friend出新書既介紹, 薯女無端端變左唯一單挑大樑既卒仔(E仔= execution), workload重左好多, 不過亦學到更加多.

之前果幾日d bind書, logistics support, 同各vendors liaise, RSVP等都係考細心同埋耐性. 薯女好好彩, 各方面都非常合作, 而admin dept既同事亦非常識做, 幫左薯女好多. 其實薯女最擔心都係當日d人既反應, 同埋大老細會唔會鍾意.

薯女當日就係個event開始之前1個鐘跟隨個SAM去到, 薯女不停走上走落, set場地, 同場地d人做last minute野, 心裡面不停諗有咩事情有可能會發生, 再諗有咩方法可以避免發生, 薯女再check多次一切安排妥當之後, d guests開始到左, SAM當然要開始湊住個author / speaker同d guests social, 而其他高層亦相繼到達. 因為個event請左好多鬼既關係, 而以上提及過既人物全部都係鬼, 又或者講鬼話既人, 薯女知道有職責撈住d人, 好好彩又俾薯女撈住個自己team既大client既特派專員, 再將佢同另一個薯女條team既potential client既人engage一齊, 令到薯女d高層非常滿意.

之後個event好順利咁完成左, 個speaker仲留低同SAM同埋薯女食lunch, 似乎佢都好滿意.

完左event, 返到公司, 雖然d野已經林到天花板咁高, 不過薯女得到高層認同, 已經好開心. 黎緊仲有幾個event, 相信薯女一定要做到更加好, 更加細心, 一定要達到零mistake!