其實自己兩日前已經update左, 點知臨"publish"之前, 唔小心禁錯制, delete晒d野. 唉, 公司offsite training左兩日, 今日終於可以坐定定, update個blog喇:
隨著"人口"急速增長, 人事關係亦都變得越黎越複雜. 以前只有4個點組成既蜘蛛網依家變成8個點, 自然變得千絲萬螻.
早前提到薯女同AD講過既一番話, 風平浪靜左一排, 但其實有個暗湧湧左落事件中既另一個E仔 (件事應該係成為AD召見個E仔既近因, 遠因詳見下文) AD對佢既一番話, 可謂苦口婆心, 畢竟一個出身local agency既local要manage一條predominantly都係鬼既team真係唔易; 不過可惜E仔似乎唔太受落, 要同薯女食下煙吐下苦水咁. 講真, 薯女當然明白佢既不滿, 明明覺得自己deserve果個位, 入到黎先知已經俾人攞左; 加上上頭明言"小朋友"要聽"大人"話, 佢覺得唔服氣係絕對正常. 再者, 事件中另一位E仔其實都唔易相處, 自然造成些小誤會, 講真, 薯女都花左好一段時間先同佢磨合到.
只不過, 大家都係同一個rank, 只係前面差一, 兩個字, 又何必咁介懷? 其實最緊要都係大家為條team做野, 你只要肯付出, 條team都會好公平咁reward番你.
其實薯女都算幾好彩, 大家都好俾面薯女, 唔介意同薯女建立關係. 可能薯女真係比較"青", 大家都對薯女冇乜戒心. 不過就要小心d囉, 要避免俾人感覺我take左side咁. 試睇睇, 紅人個徒弟E仔1號, 就同E仔2號唔係太夾, 但係E仔2號又係一個表現唔錯既新秀, E仔1號曾經同薯女講, 唔太鍾意薯女同2號熟. 不過AD又似乎唔太鍾意1號... 咁既情況, 薯女真係要小心d.
本來係中高層既戰線蔓延到中下層, 究竟薯女會變成漁人, 定係羔羊?
PS. 一向直腸直肚既紅人今日(<-15/5)加左一句"well done"係個report度, 令薯女開心足成日, 薯女要繼續努力!!!
Subscribe to:
Post Comments (Atom)
2 comments:
小妹妹，
初出山門，萬事小心...感覺上，你果邊其實都好複雜下，記住「知人口面不知心」，萬萬要小心果d面善心險既人...
政爭處處有...點樣游走於險惡既世途中間，除左聰明之外，就係經驗...記住，「謹言，慎行」...
PS:日前妹妹你係AK個blog既留言，俾個壞鬼Spam防禦系統Block左...萬萬抱歉，經過一輪搶修之後，已經完成拯救行動...不過AK發現，佢仲係唔係好正常，Anyway...AK會勤d check住個情況，以免同樣情況再發生...抱歉抱歉...
AK兄, 多謝你clarify個留言問題呀, 哈哈, 初時薯女以為"同行如敵國" :P
AK兄你講得好岩,「謹言，慎行」對於任何人都好重要, 因為你真係唔知道你一言一行可以俾到乜人乜impression. 我有時候都會忍唔住口快快講多左d唔應該講既野, 我真係要再小心d. (有時候要扮貪靚, 同d同事講fashion, 都係想避免講錯野)
薯女會好好僅遵AK哥哥教悔~~~
Post a Comment